Sunday 20 April 2014

පොලිස් වාර්තාව සහ බණ්ඩාර සාජන් මහත්තයාගේ පගා ගැහීමේ කලාව


රට යන්න පොලිස් රිපෝර්ට් ගන්න ගිහින් වෙච්ච සීන් එකක් මේක.

 මමත් ලංකාවට ඇවිත් ආයේ යන්න ඕන නිසා ගියා පොලිස් මෙවුවා එකක් ගන්න. ඔක්කොම පෝම් පුරෝලා බාරදුන්න කොලොම්බෝ ලොකු තැනට. 
ඉතින් ඔන්න දවස්  ගානක් බලන් හිටියා මේක එනකම්. සාමන්‍ය ක්‍රමය නම් දවස් තුනක් ඇතුලත කොලොම්බෝ වලින් අදාළ පොලීසියට පැක්ස් එකක් එනවා . එතන පොලීසියේ මහත්තයෙක් ඇවිත් හොයලා බලල වාර්තාව කොලොම්බෝ තැනට යවනවා. එතනින් දවස් හතක් ඇතුලත මට ඉංග්‍රීසියෙන් ලියපු එකක් එවනවා . ඕක තමා ක්‍රමේ. මාගේ බිරිද කුරුනෑගල පොලීසියෙන් පොලිස් වාර්තාව ලබාගත්තේද ඔය ක්‍රමයටය.

මටත් කෑගල්ල පොලීසියෙන් ආව කෝල් එකක්. පොලීසියට එන්න කියල . 
මමත් ගියා බලන්න. 
එතන හිටියා සාජන් මහත්තයෙක් බණ්ඩාර කියලා. එයා තමයි කෑගල්ලේ මේ රිපෝර්ට් දෙන්නේ. 
ඔන්න මමත් ගිහින් හමු වෙලා මගේ විස්තර කියල මගේ හැදුනුම්පතේ සහ පාස් පොර්ට් එකේ කොපි දෙකක් දුන්නා. ඒ අවස්තාවේදී ඒ දෙකම කොලොම්බෝ වලින් එවපු පැක්ස් කොලේකට ඇමුනුවා. ඒ පැක්ස් කොලේ මා වෙනුවෙන් ප්‍රධාන කාර්යාලයෙන් එවපු එකක්. එහි මගේ නම සහ අංක සටහන් වෙලා තිබ්බා. 

ඔන්න ඔය ටික බාර අරගෙන අර බණ්ඩාර සාජන් මහත්තයා මගේ විස්තර අහන්න ගත්තා. මමත් ඉතින් ටිකක් කීව. මගේ පියා අවුරුදු 37 ක්  පොලිස් සේවයෙන් විශ්‍රාමිකව සිට මිය ගිය විස්තර සහ මගේ එංගලන්තේ විස්තර ලාවට ලාවට ඔන්න කීව කියමුකෝ . 

දැන් හරි. බණ්ඩාර මහත්තය මාර පිට්  මාත් එක්ක. පොලිස් ස්ථානාධිපති වරයෙක්ගේ පුතෙක් නිසාත් , "හරි හරි පුතා මම රිපෝර්ට් එක යවන්නම්" කියල පිටට තට්ටුවක් එහෙම දාල මාව යැවුවා. 

මමත් ඉතින් පුල් හැපී මෙවුවා එකේ ගෙදර ආව ඔක්කොම හරි නිසා. 
ඔන්න මම දැන් ඉන්නවා ඉන්නවා ඉන්නවා බලාගෙන ඉන්නවා මේ වාර්තාව එනකම්. දැන් සති තුනකට ලගයි . බඩු  නෑ . 

මොකෝ කරන්නේ ???? 
මම කෝකටත් කියල බණ්ඩාර සාජන්ට කෝල් එකක් දුන්නා මොකෝ සීන් එක බලන්න. 
මෙන්න බොලේ මේකා කියපි එක පාරම එහෙම ලියුමක් මෙහෙ නෑ, ඔයාගේ නමට එවපු පැක්ස් එහෙකුත් නෑ , මම කිසි දෙයක් දන්නේ නෑ කියලා. 
මගේ `මයිල් ඉස්මයිල් වී , චු බොක්ක හිරවී, බොග කරවී ගොස් සිහිමුර්ජා තත්වයකට පත් උනා ඔය අවස්ථාවේදී . හේතුව, ඒ දවසේ සිට ඊලග වීසා අයදුම්පත යැවීමට මට ඇත්තේ දවස් තුනක් නිසාවෙනුත් මේ වනවිට මම කිරිහොද්දට වැටෙනකම් වීසා එක වෙනුවෙන් වියදම් කර ඇති නිසාවෙනුත්ය. 

මේ පොලිස් කොලේ නැති උනොත් මගේ අවුරුදු 5 ක උත්සාහය වතුරේ නොව උඩු හුළගේ ගසා ගෙන යන තරම් අවස්තාව බයානක බව මම දන්න නිසා අතිගරු බණ්ඩාර සාජන් මහතා හමුවීමට නැවත ගියෙමි.

ඒ ගිය වෙලේ ඔහු නැවත නැවත පැවසුවේ එහෙම පැක්ස් එකක් නැති බව සහ ඔර්ජිනල් එක නැතිව රිපෝර්ට් දෙන්න බැරි බවය. 
කේලා හුටා. කුමක් කරම්ද අසරණ මම . 
එතකොට මම මුලින් ඇවිත් බාර දීපු පොටෝ කොපි කෝ ?? එදා දැකපු පැක්ස් එක ??? ඒවාට මොකෝ උනේ ???? 

දෙයියෝ ඇර බණ්ඩාර ලොක්ක විතරයි ඒවා දන්නේ. 

මොහොතක් සිතා සැනකින් ලොකු තැන හමු වීමට ගියෙමි. 
කඩ්ඩ යන්තම් වනා (කඩ්ඩ වැනුව නිසා ඔහු මා සමග කතා කලෝය. නැතිනම් පස්සේ එන්න උත්තරය හෝ රාජකාරියට අදාළ පුග්ගලයාව මුණ ගැසෙන්න යන පිළිතුර  රැගෙන මම ආපසු හැරිය යුතුවේ, එය ලංකාවේ කොහෙත් හැටිය. කඩ්ඩ පොඩ්ඩක් පුළුවන් නම් යන්තම් ගොඩය. ) පොලීසිය බාර ලොකු මහත්තයා හමුවී මගේ දුක ප්‍රකාශ කලෙමි . 
එතුමා බණ්ඩාර ගොයියා කැදවා පැක්ස් එක තියේ නම් රිපෝර්ට් එක ගහල යවන ලෙස නියෝග කලෝය. 
"පැක්ස් එක නම් තියනවා සර් එත් ඔර්ජිනල් එක නැතිව ඕවා කරන්න බෑ . මේවා එම්බසි වල වැඩ නේ. ඉන්න ටිකක් බලමු , එන්නකෝ   මල්ලි  "
මේකා දැන් හුනා ක්‍රොකඩයිල් කර පෙන්වයි. මගේ රිපෝර්ට් එක එම්බසියට යන්න තව පියවරක් යා යුතුය. තවම පොලීසියේ රාජකාරිය ඉවර නැත. 
අප මුලින් ඇඳිය යුත්තේ යට ඇදුමය. කලිසම අදින්නේ ඊට පසුවය. ඔය දෙක මාරු කර අදින්නේ සුපර් මෑන්ස් පමණි. 

ඔන්න බණ්ඩාගේ කතාව. දැන් පුතා මල්ලි වී 'වැඩේ හරි '  සීන් එක 'බලමු' වී ඇත .
ඒ වනවිට පාලන අංශයේ අනිත් හැමෝම කීවේ පැක්ස් එක තියේ නම් ගැටළුවක් නැති බව සහ විශේෂයෙන් මගේ පියා යාබද පොලීසියේ ස්ථානාධිපති වරයා ලෙස වැඩකළ සමයේ කිහිප දෙනෙකු එතුමා සමග වැඩ කල බවත් , කිසි ගැටළුවක් නැති නිසා වාර්තාව ලබා දෙන ලෙසත්ය ...

"එහෙම පැක්ස් එකක් ඇවිත් නෑ "

රෙද්දේ තුත්තිරි. ඔන්න බණ්ඩාගේ කතාව. 
මේකා විනාඩි දෙකට කතාව මාරු කලාය. (ස්ත්‍රී ලිංගයෙන් වාක්‍ය ඉවර කලේ බන්ඩාගේ නියම ගතිය කීමටය.)

මුගේ අම්මට සිරි පාද වදිමු සමනල කන්දේ කියලා මගේ හිතට ලෝකේ නොයෙක් වර්ගයෙන් කුණු හරුප ගලාගෙන එනවා... 

දැන් මොකද කරන්නේ , මම නැවත කොළොඹ ප්‍රධාන කාර්යාලයට කිහිප සැරයක් කතා කර දැන ගත් විස්තරය අනුව ඔවුන් පැක්ස් කොලය සහ ඔර්ජිනල් නිවේදනයද ඒවා අවසන්ය. 

මට කා දැමීමට කාලයක් නොමැත. 
බණ්ඩාර කාරයාද හවස 3 පමණ වනවිට ගෙදර හෝ කොහේ හෝ මාරු විය. 
අනිත් දවසේ නැවත කෑගල්ලට ගොස් පළාත බාර ලොකුම පොලිස් මහතාට  මගේ ප්‍රශ්නය ඉදිරිපත් කොට පිළිතුරක් බලාපොරොත්තු වූවෙමි. උත්තරය පුල් ඔෆීසියල් වේ, 
"මේවා ලීගල් ක්‍රයිටීරියා. නැවත කොඹ ගිහින් ඉන්ෆොර්ම් කරලා බලන්න. මට කරන්න දෙයක් නෑ "

හැක් හැක් හැක් ..  මම දැන් පලකො කොළඹ ,, 
උට තරු හතක් අටක්  සහ රාජ්‍ය ලාංජනය සහිත කාකි කෝට් එක දුන්නේ කවුද දන්නේ නෑ . අඩුම ගානේ බණ්ඩාර කාරයාට කතා කොට විමසීමක් වත් කලේ නැත. 

ඔන්න දැන් මට තද වෙනවා අම්මප පිස්සු හැදෙනවා කියලා ...
දෙන්නම් ජම්බු හත් මුතු පරම්පරාවටම කියල හිතාගෙන පාරට බැස්සෙමි. 
සබරගමුවේ මහ ඇමති මහීපාල හේරත්ව මම පුද්ගලිකව දන්නේ නැති වුවත් (දේශාපාලනය කරන කිසිම කෙනෙක් අඩුම ගන්නේ ප්‍රාදේශීය සබාවක විපක්ෂ මන්ත්‍රී කෙනෙක්වත් මා නොදනිමි. දේශපාලනය මට අරහන්ය. ) මගේ ලගම ඥාතියෙක් එතුමාගේ ලගම මෙවුවා එකකි, ලගම කීවේ මේම මේම එකකි . 

එතුමාගේ පිහිට පැතීමට අවසන මම තීරණය කොට දුරකතනයෙන් ඔහුට කතා කලෙමි. 
"පුතේ ගෙදර එන්නකෝ "  
මම එම කියූ තැනට ගොස් මගේ දුක් ගැනවිල්ල ප්‍රකාශ කලෙමි. ප්‍රධාන හේතුව මට ඇත්තේ තව දින දෙකක් නිසාවෙනි. 
ඔන්න මගේ අහවලා කෝල් එකක් ගන්නවා කෑගල්ලේ පොලීසියට. 
"ආ හලෝ. කවුද ඔය. මම අහවලා කතා කරන්නේ, කෝ අර බණ්ඩාර කාරය. අර ලගදි අපිට කියලා මාරුවීමක් හදා ගත්තේ. කෝ මිනිහා. ????

"ආ බන්ඩාරද ?? මොකෝ අයිසේ මේ කරන්නේ ?? මගේ ළමයෙක්ව තමුසේ වටේ යවන්නේ මොකෝ ?? ආපහු හිටිය දිහාටම යන්න ඕනේ වෙලාද දගලන්නේ ???"
"ආ හරි . මම එන්න කියන්නම්. ආය මේවා වෙන්ඩ තියන්ඩ බෑ. රාජකාරිය හරියට කරනවා . තේරුනාද ?"

"පුතා ගිහින් මිනිහව මුණ ගැහෙන්නකෝ. දැන්ම යන්න. ගිහින් වැඩේ කරගෙන එන්න ."

ඔන්න මම දහ අතේ පින් දීල නමෝ විත්තියෙන් ගියා කෑගල්ලේ පොලීසියට. 
හැක් හැක් හැක් 
බණ්ඩාර සාජන් පුටුවේ නෑ . කෑමට ගිහින්ලු. පැය බාගෙකට පස්සේ ඔන්න එනවා කෑම කන්න ගියාලු. වෙලාව දවල් එකයි. එත් මිනිහගේ බත් පාර්සල් එක මෙසේ උඩ. (සමහර විට මිනිහා බත් වෙනුවට තණකොළ හරි පුන්නක්කු හරි කනවා වෙන්නත් ඇති )

ඔන්න බණ්ඩාර සාජන් ඇවිල්ල 
"ආ පුතා මම වාර්තාව ගහල තියෙන්නේ. මේ ... බලන්න ඔකේ මොකුත් වැරදි තියේද කියල ???"

නෙදකින් මේ බණ්ඩාරය ,,,,

ඔන්න මම වාර්තාව බලනවා. 
මගේ සම්පුර්න  නම , ලිපිනය, ලංකාවේ හිටපු කාල වකවානු, හැදුනුම්පත් අංක ඔක්කොම විස්තර සමග පැහැදිලි චරිතවත් පුද්ගලයෙක් විදිහට පොලිස් වාර්තාවක් මා ඉදිරිපිට තියේ. 
නෑ කියපු පැක්ස්, ඔර්ජිනල් , මගේ හැදුනුම්පත් කොපි, පාස්පෝර්ට් කොපි ඔක්කොම එතන. 
.
බුදු අම්බෝ මාරයිනේ බණ්ඩාර මහත්තයෝ ඔයා. මගේ විස්තර දිවැසින් බලල දාල තියෙන්නේ නේද කියල අහන්නත් අහලා , මොනා උනත් මගේ පියත් පොලිස් නිලධාරියෙක් නිසා කට වහගෙන  බොහොම ස්තුතියි කියලා කොපියක් අරන් එන්න හදද්දී ....

"ඔය ඔර්ජිනල් එකම දීල යවන්න. ඕක පුතා කොළඹටම ගිහින් බාර දෙන්න, අපි මෙහෙන් පැක්ස් එකක් යැවුවා " o i c ලොකු මහත්තයගේ කට හඬ මට පිටිපස්සෙන් ඇහුනා. 

අයියෝ පොලිස්.......

මම පොඩ්ඩක් පොලීසිය ඇතුලේ බලන් හිටියා අර ලොකුම ලොකු තරු හත අටක් තියන ලොකු ලාංජන ගහගෙන හිටපු මෑන්සුත් ඇවිත් මහත්තය හරි නේද රිපෝර්ට් එක කියල අහයි කියල ,,, 

ම්හ්හ්හ් .. මෑන්ස් නම් ආවේ නෑ . මොනා උනත් මිනිහට පොඩ්ඩක් හරි ලැජ්ජාවක් හරි වෙන මොනා හරි දෙයක් ඇති. 

මම ලංකාවේ සාමාන්‍ය, දුප්පත් අහිංසක  ජනයා ගැන  පහන් සංවේගය ඇති කරගෙන කෑගල්ල පොලීසියෙන් එලියට බැස්සෙමි . 
---------------------------------------------------------------------------
පසුව සොයා බැලීමේදී ආරංචි වුයේ කෑගල්ලේ පොලිස් වාර්තා නිකුත් කරන බණ්ඩාර සාජන් මහත්තයාගේ පගා ගැහීමේ කලාව මෙය යන්නයි. 
---------------------------------------------------------------------------
අවුරුදු 5ක් එක දිගට දිවා රෑ මහන්සී වී ,වීසා සදහා ලක්ස 15 -20 ක් වියදම් කර යුරෝපයේ රටක ස්ථිර පදිංචියට යාමට සුදානම් වී සිටින මා කෑගල්ල පොලීසියෙන් පොලිස් වාර්තාව ලබා ගැනීමට එම මොහොතේ බණ්ඩාර සාජන් රුපියල් 10,000/- ක් ඉල්ලුවත් එය ලබා දීමට නොපැකිලි වන බව බණ්ඩාර ලොක්කා අත්දැකීමෙන් දන්නා කරුණකි. 

කෑගල්ලේ බණ්ඩාර සාජන් මහත්තයා මා වැනි කීදෙනෙකු මෙලෙස අමාරුවේ දමා සල්ලි ගරා ගන්නවා ඇතිද ??? 

එය බොහොම සරල පැහැදිලි ලෙස මට පෙනීමට තිබුණි. එසේම මුළු පොලිස් පාලන පද්ධතියම ඊට උඩ ගෙඩි දෙන්නට සකස්වී තිබුණි. 
ප්‍රධාන පොලිස් පරීක්ෂකගේ පටන් සියලුම නිළධාරීන් මෙහි කොටස් කරුවන් බව මට වැටහිණි. 

මෙහි එන නම් ගම් ස්ථාන සියල්ල නිවැරදි බව සහතික කරමි. පවසා ඇති සෑම වචනයකටම මම වගකීම ගනිමි. 

ශ්‍රී ලංකාවේ පොලිස් සේවයට ජය වේවා... 

ජය ශ්‍රී 

සිරී නොහොත් මද්දුවා 



















Sunday 2 March 2014

පියාණනි



ඉපදුන දා සිත සතුටෙන් පිරෙන් ඇති
ලොකුවන දා සුභ සිහිනය දකින් ඇති
ලඟනැති දා හද සෝකෙන් හඬන් ඇති
ඔබ නැති දා මගෙ ලෝකයෙ සවිය නැති

රජ කුමරෙකු කරවන්නට දිරි දුන්නා
කොදු ඇට පෙල නොනමන්නට සවි ලැබුනා
දිවි ගමනට නිසි ඔවදන් මට දෙමිනා
ජය කනුවෙත ඔබ සමගින් මා ඇදුනා 

අවසන් මොහොතෙ ලඟ ඉන්නට බැරැව ගියා
වරදක් කල බවෙන් හදවත පිපිර ගියා
සොයුරත් මමත් ඔබ පැතු ලොව එකලු කලා
ජාතිත් ඔබට මොක් සුව අද පතමි මෙමා

නිවන් සැප ලැබේවා පියානෙනි
ලොකු පුතා

මද්දුවා නොහොත් සිරී

Sunday 2 February 2014

වෙන්වීම


ලොකු වෙන්න වෙන්න
ලස්සන වෙන්න වෙන්න
සුවඳ වැඩි වෙන්න වෙන්න
මම සල්ලි දීල ගත්ත 
මම පොහොර දාල හදපු
උදේ හවස වතුර දාල 
රැක බලා ගත්ත 
මගේ මල් කැකුළ
මම වැඩ ඉවර වෙලා ගෙදර එද්දි
ඈතින් හිටපු ඉර දිහාට හැරිල
මට අදහ ගන්නත් බෑ
ඒත් ඇත්තයි...
ඉරේ උනුසුම මට වඩා ලංවෙලා,,,,,,,,,,,,,
මම ලෑස්තියි
අලුත් මල් පැලයක් ගේන්ඩ නෙමේ
මගේ මලට 
ඉරේ උනුසුම විදින්න දීල 
පැත්තකට වෙන්න 
ඒත්.......
කව්ද එතකොට වතුර දාන්නෙ
කව්ද පොහොර දාන්නෙ
කව්ද රැකවරණය දෙන්නෙ
ඉර එන්නෙ උනුසුම දෙන්න විතරක් බව
මගේ මලට වැටහෙන දවසට.......
!!!!!!!!!!!!!!!!!!!!!!!!!!!!!!!!!!


සිරියා නොහොත් මද්දුවා

Monday 27 January 2014

මනුස්සකමක් ඇති නිර්මාණශීලී සැලසුම් කරුවන්ට ආරාධනාවක්



මතකනේ අපි "මනුස්සකමෙන් වැලිකන්දට පුස්තකාලයක් " කියල ෆේස් බුකිය හරහා ඉවෙන්ට් එකක්  කලා. එකට අලුත් කොටසක් තව තියේ. වැලිකන්දේ පුස්තකාලය සැදීමට අපිට ඉඩමක් ලැබිලා තියනව මේ වෙනකොට. අපිට එහි ගොඩ නැගිල්ලක් සැදීමට 
බාහිර අංශයක්, විමර්ශන අංශයක්, අධ්‍යයන අංශයක්, පරිගණක ඒකකයක්, පුවත්පත් කියවන ස්ථානයක්, පොත් සංරක්ෂණය කරන ස්ථානයක්, පරණ පොත් පත්තර ගබඩා කළ හැකි තැනක්, විවේක කාමරයක්, කුඩා ප්‍රමාණයේ ශ්‍රවණාගාරයක්, වැසිකිළි පහසුකම් සහ ආබාධිත පිවිසුම් පහසුකම් සහිත කුඩා ප්‍රමාණයේ පුස්තකාලයකට සුදුසු වඩා හොඳ සැලසුමක් අවශ්‍යයි. 

දැන් මේකේ ඉන්නවනේ අපේ එක එක විදිහේ දක්ෂයෝ. මේ වැඩේ කරලා දෙන්න පුළුවන් කෙනෙක් ඉන්නවනම් පොඩි පණිවිඩයක් දෙන්න මට. 

                    
හැබැයි මේක මුදල් අය කිරීමකින් තොරව කරලා දෙන්න ඕනේ. අපි ලොකු පුණ්‍ය කර්මයක් කරන්නේ මේ. ඉතින් මුදල් ගැන බලන්නේ නැතිව සුදුසු සැලසුමක් හදල දෙන්න පුළුවන් නම් ලොකු පිනක්. උදවුවක්. 
මුදල් වලින් ගොඩනැගිල්ල හදා ගන්න ඕනේ. ඒ නිසා නොමිලයේ මේ වැඩේ කරලා දෙන්න පුළුවන් නම් ගොඩක්ම හොදයි .

දැනට අපි පොත් 3,000 ක් විතර එකතු කරලා තියේ.


 එක කලේ කවදාවත් දැකල නැති බුකිය හරහා අදුනාගත් ෆේක් අපේ යාලුවන්ගේ එකමුතුවෙන්,  හරියටම මාසයයි එක සතියක් ඇතුලත් ඉවෙන්ට් එක ඉවර කළා. පොත් 3000 ක් පමණ එකතු කලා. ඊට අමතරව අනික් අයත් පොත් එකතු කරලා තියනව. ත්‍රස්තවාදයෙන් අවුරුදු 30ක් තිස්සේ බැට කෑ පළාතකට කරන උදවුවක් මේක. 
අවුරුදු 30 ක් කියන්නේ සුළු පටු කාලයක් නෙමේ. ඒ පළාත් වල ජීවත් වෙන ගොඩක් ළමයි ඉපදුනේ වෙඩි හඬ මැද . ජීවත් උනේ බෝම්බ සද්දේ එක්ක. පාසලක් , පොතක් , කොම්පුටර් එකක් ගැන කෙසේ වෙතත් තමන්ගේ ජීවිතේ බේරා ගැනීමේ සටනක ජීවත් උන පිරිසක් . 

මේ දේවල් රජයේ මැදිහත්වීමෙන් කරලා දිය යුතු වැඩ. එත් දැන් ඇතිවෙලා තියන තත්ත්වේ එක්ක දේශපාලනය ගැන සහ රජයේ දේවල් කතා කිරීම වෙලාව නාස්ති කිරීමක් . අපිට පුළුවන් විදිහට අපි උදවු කරමු යාලුවනේ, මේක කරන්න පුළුවන් අපිට. ටිකෙන් ටික උදවු කරලා මනුස්සකමේ පුස්තකාලය හදන්න අපිට සහය  වෙන්න.
අපේම සොයුරු සොයුරියන් වෙනුවෙන් සිංහල , දමිල , මුස්ලිම්, බර්ගර් බේදයක් නැතිව මනුස්සකම නාමයෙන් කරන කටයුත්තක්. 

ඉතින් පුළුවන් කෙනෙක් ඉන්නවනම්, මේක දැක්කම නොදැක්ක වගේ යන්නේ නැතිව අපිට උදවුවක් කරන්න කියල ඉල්ලා සිටිනවා. 

ඒ සදහා මාව සම්බන්ද කර ගන්න මගේ ෆේස් බුක් ගිණුමට මැසේජ් එකක් එවන්න. (sri maddumage maksitha) 

තෙරුවන් සරණයි 


ජය ශ්‍රී

Monday 20 January 2014

නිහඬ ත්‍රස්තවාදය

ත්‍රස්තවාදියෙක් කියපුවාම අපිට ඔලුවට එන්නේ තුවක්කුවක් අතින් ගත්ත බෝම්බ එල්ල ගත්ත කඩු පිහි අතින් ගත්ත බයානක පෙනුමක් තියන සොල්දාදුවෙක් නැත්තනං බයානක පෙනුමක් තියන මරුමුස් මිනිහෙක්ව නේද ? එත් ඊට වඩා භයානක ත්‍රස්තයින් රැසක් මේ ලෝකේ ඉන්නවා, මුලටම ඉන්නේ ඒඩ්ස් රෝග වාහක HIV. මෙයාව පිටින් බලපුවාම කිසිම භයානක බවක් නෑ. 99 % ක් වැළදෙන්නේ අනාරක්ෂිත ලිංගික ක්‍රියාකාරීත්වයෙන්. මාර ආතල් , මාර සුන්දරයි, ෆුල් ෆන් ,කරන්න කරන්න තව ඕනේ කියල හිතෙනවා, එකකින් නවතින්න හිතෙන්නෙම නෑ . අහවල් එක කරන්න ගියාම මොන HIV ද නේ? සැප සතුට ආතල් එක කන් දෙකෙන් හිටන් පෙරෙනවනේ . හැබැයි බඩු හැදුනට පස්සේ ????? ගැටලුව තියෙන්නේ එතනයි . එකයි HIV වලට නිහඩ ත්‍රස්තවාදියා කියල කියන්නේ, 


හරි, මම මේ පටන් ගත්තේ ඒඩ්ස් ගැන කතා කරන්න නෙමේ. අපේ මේ මුහුණු පොතේ සහ අන්තර්ජාලයේ ඉන්නවා ඔය වගේ නිහඩ ත්‍රස්තවාදියෙක්. 

"කංසා නැත්නම් ගංජා " ප්‍රචාරය කරන රස්තා බෝයිස්ලා - (weeds , cannabis )


කංසා ප්‍රචාරය කොහොමද නිහඩ ත්‍රස්තවාදියෙක් වෙන්නේ ???? අපි ඒ ගැනවිස්තර ඇතිව කතා කරමු. 


මෑත කාලයේ මේ ෆේස් බුක් මාධ්‍ය සහ අන්තර්ජාලය පුදුම විදිහට උපයෝගී කර ගන්නවා මේක ප්‍රචාරය කරන්න . හේතුව ඔය කංසා බොන අයට ඉඩක් නෑ , පවුර්ශයක් නෑ මේ ගැන එළිපිට සමාජේ හෝ පත්තර , ටෙලිවිෂන් හෝ වෙනයම් තැනක කතා කරන්න. නීතිය එක හේතුවක් , අනික් හේතුව මුළු සමාජයකින් පිළිකුල්ව බැහැර කරපු මත්ද්‍රව්‍යක් නිසාත් එයින් මුළු මහත් සමාජයම විනාශයට අරන් යන බව තමන්ගේ හදවත දන්නා නිසාත් වේ. 


ඔකේ රසම කොටස තමයි -------------

""""""""අම්ම දැන ගත්තොත් එහෙම """"""

ඒක කොහොමද නේ ???? මම ඒ ගැන වැඩිය කියන්නේ නෑ , හරි නෑනේ රස්ත බෝයිස්ලාගේ පොරත්වයට හානි වෙනවනේ. 


පසුගිය දවස් වල මාත් සමග කංසා පාවිච්චි කරන රස්තා බෝයිස්ලා ඇතිවූ තර්ක විතරක වලින් මට පෙනී ගිය , මම හදුනා ගත එක් පොදු කාරණයක් ඇත. එනම් 

"ගංජා බොනවානම් රසායනික හෝ වෙන කිසිම ද්‍රවයක් එකතු නොවූ පිරිසිදු ගංජා බොන්න ".

එක කෝණයකින් එකත් හරි . ඒක නිකන් මම සිගරට් බොන්නේ නෑ දුම්කොල බොනවා වගේ වැඩක් . 


දැන් ඊලග ප්‍රශ්නේ , කොහොමද ඔය පිරිසිදු කංසා හොයා ගන්නේ ??? ලැබුනත් ඒවා පිරිසිදුද කියල දන්නේ කොහොමද ?? පිරිසිදු කංසා වල කිසිම බලපෑමක් නැද්ද ???

ඔය ගැටලුවලට උත්තර කිසිම රස්ත බෝයි කෙනෙක් ළඟ නෑ කියල අපි දන්නවා. උත්තර තිබ්බත් ඒවා තමන්ගේ වාසියට හදා ගත්ත උත්තර පමණයි. උදාහරණයක් කියනවානම් අපි ඔක්සිජන් වාතය පාවිච්චි කරනවා වගේ, අපේ සරීරයට හරියන්නේ ගැලපෙන්නේ එච්චරයි ඉතින් ඒක තමා මේ විශ්වයේ තියන සුවදම , පිරිසිදුම , පුජනීයම වාතය. අපි එතනින් එහා දෙයක් දන්නේ නෑ . හැබැයි හදිස්සියේ හරි පිටසක්වල ජීවියෙක් ඇවිත් කීවොත් මේ ඔක්සිජන් කියන වාතය හෙන ගඳයි , අපිරිසිදුයි , එපාම කරපු දෙයක් , මේ විශ්වයේ පැවැත්මට ඕක හරියන්නේ නැ කීවොත් ඌව මරන් කන්න හදනවා. ඔන්න ඕකයි සත්‍යය . 

පිරිසිදු කංසා ලබා ගැනීමට, එක්කෝ තමන්ම පැලයක් හිටෝ ගෙන වැඩේ කර ගන්න ඕනේ නැත්තන් කංසා හේනකට ගිහින් කපා ගෙන එන්න ඕනේ, ඔය කරුණු දෙකම ප්‍රායෝගික නෑ .එක නිසා මල් විකුණන අහවල් අයියා ලගට ගිහින් පැකට් එකක් අරන් ඇවිත් ඔතල ගහනව. 

අනිත් හේතුව ලංකාව තුල මුදලට තමාගේ අම්මවත් විකුණන එකේ ඔය ගංජා පැකට් එකකට , ගහපුවාම ආතල් එක එන මොනවා හරි විස ජරාවක් දාල විකුනලා සල්ලි හොයන්න ජාවාරම් කරුවන් පෙලබෙනවා. 

ඒ වගේම ගානත් අඩුයිනේ එතකොට . 

----"අඩු වියදම් වැඩි ආතල්"------ ,. ලාබ බඩුවේ හිලක් තියනවා කියන එක කවුරුත් දන්න දෙයක් . 



ඊලගට කංසා වල බලපෑම . මේක විද්‍යාත්මකව පහදන්න මට බෑ. හේතුව මම දොස්තර කෙනෙක් හෝ මහාචාර්ය කෙනෙක් නොවන නිසාත් අන්තර්ජාලය පීරා කරුණු හොයා ගැනීමට තරම් අවශ්‍යතාවයක් නොවන නිසාත්ය, මොලේ තියන ඔනෑම කෙනෙකුට වැටහෙනවා දීරග්කාලීනව ගංජා බීපුවාම පෙනුම වැහැරිලා ,හකු බැහැල , මොලේ සයිල විනාශ වෙලා, අත් පා වල ගංජා ගැට නොහොත් පිළිකා සමාන ගැටිති එලියට ඇවිත් ,ලිංගික අප්‍රාණික තත්ත්වයක් උදා වෙලා (මේක ගැනු ළමයින්ට විශේෂයි ඈ. තමන්ගේ කොල්ල ගංජා බොනවද කියල විමසිලිමත් වෙන්න. ඔහු ගංජා බොනවානම් වෙන කොල්ලෙක්ගේ පිහිට තමයි ඈ ), මනසේ හා ශරීරයේ ප්‍රතික්‍රියා වේගය අඩු වෙලා (එකට කියන්නේ ගංජා බීවහම හෙන ස්ලෝව් මෝෂන් වෙනවා කියල ), ලජ්ජා බය සහ අනිකුත් හැගීම දැනීම වල වෙනස්කම් ඇති වෙනවා කියල. 

මේවා රොකට් සයන්ස් නෙමේ. මේ දේවල් බොහොම ප්‍රායෝගික , සාමාන්‍ය දැනුමෙන් විමසන්න පුළුවන් දේවල්. 


රස්තා සංකල්පය නොහොත් පොරත්වය . මේක තමයි මෙතන තියන ප්‍රධානම සහ භයානකම ගැටලුව. මේ පොරවල් කියන අය යම් දෙයක් කරන්නේද ,එහි හොද නරක විමසා නොබලා පොරවල් වීමට ඔහුව අනුගමනය කිරීම . 

මේකටත් උදාහරණයක් කියන්නම්. අපි පොඩි කාලේ ඉඳල එක එක අයව අනුකරණය කරනවා. පිරිමි ළමයි සාමාන්‍යයෙන් තමන්ගේ තාත්තා, මාම හෝ වැඩිමල් සහෝදරයෙක් නැත්තන් නළුවෙක් වගේ වෙන්න ට්‍රයි කරනවා, එයාල කන බොන විදිහ , දේවල්, ඇවිදින අදින පළදින විදිහ, කොන්ඩේ රැවුල කපන විදිහ , කතා විලාශය වගේ දේවල් කොපි කරන්න හදනවා. මට මතක හොදම උදාහරණය තමයි මගේ තාත්ත රැවුල කපන දිහා බලන් ඉඳලා හැමෝටම හොරෙන් රේසර් එක අරගෙන මුණ එහාට මෙහාට හරෝ හරෝ කට පුම්බ පුම්බ රැවුල නැතත් රැවුල කපන්න හදපු විදිහ. ගෑනු ළමයින් නම් එයාලගේ අම්මා , නැත්තන් විශේෂයෙන් නිලියක් වගේ වෙන්න හදනවා, මේවා බොහොම සාමාන්‍ය මනසිකත්ත්වයන් . මේවාගේ කිසිම වැරද්දක් නෑ . 

ගැටලුව පැමිණෙන්නේ තමන් අනුගමනය කරන පුද්ගලයා කරන්නේ හරි දෙයක්ද වැරදි දෙයක්ද කියා නොදැන අනුගමනය කිරීමේදීයි. 

___________________________________________________________________________________________

ගොඩක් වෙලාවට මේ රස්තා බෝයිස්ලා පුද්ගලිකව ගත් කල් මොන යම් හෝ විශාල ගැටලුවකට මුහුණ දුන් සහ දෙන අය. ජීවිතයේ තමන් සාමාන්‍ය මිනිසෙක් විදිහට සිටිය යුතු තැනට වඩා ගොඩක් පසු පසින් සිටින අය. මානසිකව වැටුන අය.ගොඩක් වෙලාවට ආර්ථික අපහසුකම්, ලැබිය යුතු නියම ආදරය, කරුණාව, රැකවරණය නොලබපු අය. නැතිනම් වෙනයම් හේතුවකින් සමාජයෙන් කොන් වුන අය . ඉතින් මේ ලැබුනේ නැති හිමි නැති සහ වැරදුන දේවල් ගැන අමතක කරලා එලියට එන්න මේ වගේ සංකල්ප සහ ක්‍රම පාවිච්චි කරනවා . ඒ පාවිච්චිය හරහා අමුතු ප්‍රතිරූපයක් මවා ගෙන සමාජයේ සහ මිතුරන් අතර මාර්ක් එකක් නැත්තන් පොරක් වීමට සහ තමන්ගේ ගැටලුකාරී මානසික තත්ත්වය මග හරවා ගැනීමට තැත් කරනවා. මේක තමයි රස්ත බෝයිස්ලාගේ නොපෙනෙන තිත්ත ඇත්ත. 

(දැන් මම මේ කියපු දේ ගැන පොඩ්ඩක් හරි මොලේ තියන රස්ත මල්ලි කෙනෙක් පොඩ්ඩක් වෙලාවක් අරන් ස්වයං විචාරයක් කරලා බලන්න, හදවතට කතා කරලා බලන්න මේ කාරනාව තමන්ට ගැලපෙන්නේ කොහොමද කියල. අඩුම ගානේ තේරුම් අරන් ජීවිතේ හදා ගන්න සිතුවිල්ලක්වත් පහළ උනොත් , අනේ රත්තන් මල්ලියේ මට මැසේජ් එකක් දාහන් . මට ඊට වඩා ජයග්‍රහණයක් නෑ .)

___________________________________________________________________________________________


මේ වැරදි ක්‍රම අනුගමනය කරන පොරවල් නොහොත් රස්ත බෝයිස්ලා පසු පස යන පාසල් යන සහ තරුණ වියට එළබෙන අයට මේ කිසි දෙයක් පෙනෙන්නේ නෑ . දකින්න නෑ . ඔවුන්ට පෙනෙන්නේ, "අම්මට හුඩු අරුගේ ටෝල්ක් ටික කොමද !!!! ලොක්කගේ වදන් සැට් එක පට්ට නේ !!!!!!!!(නොලැබුන ආදරය , කරුණාව සහ සැලකිල්ල නැති වෙලා තනිවෙලා නන්නත්තාර උනාම නිකම්ම දාර්ෂණික අදහස් එලියට එනවා ) අරුගේ ටැටූ එක කොමද !!!!! අරුගේ මාර හෙයාර් ඉස්ටයිල් එක නේ !!!!!!!! උගේ මාර ෆැෂන් එක නේ . එකම බ්‍රෑන්ඩ් එක තමයි පාවිච්චිය !!!!!(එක ඉසටයිල් නෙමේ හෝදන්නේ නැතිව එක දිගට එකම ඇඳුම අදින්නේ, පට්ට කම්මැලියි වතුර සම්බන්ද දේවල් වලට ), බුවාගේ ඇඟ පුල් ෆිට් නේ !!!!!(සරීරය එහෙම පෙනෙන්නේ ජිම් ගිහින් ඇඟ හදල හෝ පිරිසිදු ගුණදායක කෑම බීම නිසා නොව කන්නේ නැතිව සහ දවස් ගණන් ගංජා ගහල නිකන් ඉදීම සහ සරීරයට ගංජා නිසා ඇතිවන බලපෑම් නිසයි. ඔය තත්ත්වය හැමදාම නෑ ). 

ඔය වගේ පිටින් පෙනෙන දේවල් පමණයි. නමුත් ඒ තුල ජීවත් වෙන පුද්ගලයා මොන මානසික ගැටලුවකද ඉන්නේ කියන එක කියන්නේ නෑ , පේන්නේ නෑ. තමන්ගේ මානසික අසහනකාරී තත්ත්වය මග හරවා ගැනීමට ආවරණයක් විදිහට මේ රස්තා බෝයි නැත්තන් පොර සංකල්පය පාවිච්චි කරනවා .


ප්‍රචාරනය සහ මගේ විරෝධය -

මම මේ තටම තටම මේ ටික ලිවුවේ දැනට ගංජා බොන අයට "අනේ මල්ලියේ ගංජා බොන්න එපා , එක හොද නෑ , උඹ ඉක්මනට මැරිලා යයි " කියන්න නෙමේ. ඕකට ඇබ්බැහි උන එකා කොහොම මොනවා කීවත් වලපල්ලට ගිහින් ඉවරයි . එකව ගොඩ ගන්න මට කිසිම අමාරුවක් නෑ , උවමනාවකුත් නෑ . 
එකා ගංජා බීලා බීලා මැරිලා ගියත් මට දැනෙන්නේවත් නෑ. මට අදාලත් නෑ. නිවන් සැප ලැබේව කියල පොස්ට් එකක් දානවා, නැත්තන් කීයක් හරි යවනවා හත් දවසේ දානෙට ගන්න කියල. කීව නාහන ගුරු උඩින් ගියත් එකයි යටින් ගියත් එකයි කියල කතාවක් තියනවනේ . මම දගලන්නේ රස්ත බෝයිස්ලව බේරාගන්න නෙමේ.
 තවම මීට ඇබ්බැහි වෙලා නැති , ට්‍රයි කරලා නැති , තවම චරිත පසුපස යන පොඩි පාසල් යන වයස් වල ඉන්න අපේ තරුණ එක ජීවිතයක් හරි මේ කාලකන්නි , අවාසනාවන්ත , මෝඩ ත්‍රස්තවාදීන්ගෙන් බෙර ගන්න. 


දැන් කට්ටිය කියයි මේ ඉන්ටර්නෙට් එකෙන් ඕවා කරන්න පුළුවන් නම් බැරියැ කියල. මේ ඉන්ටර්නෙට් එකේ මොනවද කරන්න බැරි ????? එකයි දැන් ගැටලුව. ජෙනරාල් ගඩාෆිගේ රජය , ජීවිතය , මුළු රටේම පවතී තත්ත්වය වෙනස් වෙන්න හේතු උනේ අන්තර්ජාලයේ මුණු පොතේ එක පොස්ට් එකක් . ගුගල් ගහල බලන්නකෝ ඈ . පටන් ගත්තේ කොහෙන්ද කියල. 

===================="මුළු ලෝකෙම විශ්ව ගම්මානයක් හසන්ත මහත්තයෝ "======================

අපි මේ මුහුණු පොත් හරහා කොච්චර දේවල් කරාද . යම් යම් කාල වල හලාල් විරෝදී ව්යාපාර සහ ආගමික වැඩසටහන් සංවිධානය කළා. රට ජාතිය ගැන යම් යම් කරුණු ජනතාව අතරට අරන් ගියා, දන්සල් දුන්නා, අනාථ නිවාස වලට ආබාධිත අය වාසය කරන නිවාසවලට උදවු උපකාර කළා , නොදන්නා විෂයවල් ඉගෙන ගත්ත, විනෝද චාරිකා ගියා , ලේ දන් දීමේ වැඩසටහන් කළා. 2013 මම දැක්ක හොදම එකතු වීම "වැලිකන්දට මනුස්සකමෙන් පුස්තකාලයක් ". එක මාසයයි සතියක් ඇතුලත පොත් 3,000 ක් . එළිපිට සමාජයේදී හිතන්නවත් පුලුවන්ද ????? මේවා කලේ මේ මුණු පොත හරහා නේද ??? නෑ කියන්න පුලුවන්ද ??? කවදාවත් නොදැකපු , හමුවෙලා නැති සිරි අයියා (මම සහබාගී උන ඉවෙන්ට් පමණයි මම සදහන් කරන්නේ ) එක්ක විශ්වාසයෙන් එකතුවෙලා එකමුතුව වැඩ කළා . අනිත් කාරණය මේ හැම දෙයක්ම ෆේක් . අපේ මුණු ෆේක් . අපේ නම් ෆේක්. 

දිව හැරුන හැරුන පැත්තට නමන්න පුළුවන් උනාට හදවතේ තියන ඇත්ත වෙනස් කරන්න එපා සහෝදරවරුනේ . 

මේ අපරාදේ කරන්න එපා. බොන දෙයක් , ගහන දෙය තමන්ගේ පාඩුවේ කර ගන්න. එපා කියන්නේ නෑ . කියන්න අයිතියක් නෑ . ඕක ඔයාගේ ජීවීතේ . මේක මගේ ජීවීතේ. තමන්ට කැමති දෙයක් කරගන්න , කිසි ගැටළුවක් නෑ . හැබැයි සමාජෙට දෙනවානම් විනාශකාරී දෙයක් දෙන්න එපා. 
 මොන ආගම ඇදහුවත් මනුස්සයෙක් විදිහට තමන් ඉන්න , තමන් ජීවත් වෙන සමාජෙට යහපත් වැඩක් කලේ නැතත් අඩුම ගානේ නරකක් කරන්න එපා. හොද කරන්න බැරි වෙන්න පුළුවන්. තමන්ගේ හිත එකග නොවෙන්න පුළුවන්.එත් නරක දෙයක් , විනාශකාරී දෙයක් දෙන්න එපා . සමාජය විනාශ කරන්න මාර්ගය හදල දෙන්න එපා. එකයි මගේ එකම ඉල්ලීම . 


ජය ශ්‍රී 

මීට සිරී නොහොත් මද්දුවා 


Thursday 9 January 2014

සිරි අයියාගෙන් හිතන්න යමක්

---------------------------------------------------------------------------------------------------
මේකේ ඉන්නේ ගොඩක්ම තරුණ අය නිසා පොඩි දෙයක් කියන්න හිතුනා, මේක ඔයාලගේ විවාහය ගැනයි . ඔයාලගේ වෙඩින් එක දවසේදී එකට සාක්ෂි විදිහට දෙපැත්තෙන් දෙන්නෙක් අත්සන් කල යුතුයි .
අන්න ඒ වැඩේට මම යෝජනා කරනවා ඔයාලගේ අම්ම හරි තාත්ත හරි ගන්න කියල . තාත්ත නම් වඩා හොදයි . 
මගේ වෙඩින් එකේ අත්සන් කලේ මගේ තාත්තයි , නෝනගේ තාත්තයි . අපේ ජීවිත වල වැඩියෙන්ම වටිනා කෙනා තමයි අම්ම සහ තාත්තා . එයාල තමයි අපිව අමාරුවෙන් කවල පොවල උස් මහත් කලේ. අපි අපේ ජීවිතේ වැදගත්ම අවස්තාවක එයාලව අයින් කරලා කොහෙවත් ඉන්න හොර දේශපාලකයෙක් හරි, සල්ලි කාරයෙක් හරි එහෙමත් නැත්තම කොම්පැනියේ GM මහත්තය හරි ,වෙන කවුරු හරි ගෙනල්ල සාක්ෂි විදිහට අත්සන් කරෝ ගන්නවා, උන් එදාට විතරයි එන්නේ, ආය පැත්ත පළාතේ එන්නේ නෑ , අපිට අමාරු වෙලාවට උදවු ගන්න ගියොත් උන් දුවනවා. එහෙම එවුන් තමයි ගොඩක් ඉන්නේ.
එත් අපේ දෙමාපියෝ එහෙම නෑ . විවාහ උනාට පස්සෙත් අපි ගැන හොයල බලල උදවු කරනවා. අපේ ජීවිත ගැන වද වෙනවා.
ඒ වගේම එයාල අපි වෙනුවෙන් කරපු කැප වීමට , මහන්සියට . උත්සාහය වෙනුවෙන් අපේ සියලුම යාලු මිත්‍රයින් , නෑදැයින් , හිත මිතුරන් ඉස්සරහ එයාලට ඒ තැන ලබා දීමෙන් අම්මල තාත්තල කොච්චර සතුටක් ලබනවද , ආඩම්බර වෙනවද කියල මම මගේ ඇස් දෙකෙන් දැක්ක. ඒ වෙලාවේ තාත්තගේ තිබ්බ හැගීම මට හිතා ගන්න බෑ . මාර සතුටුයි, ආඩම්බරයි . තාත්තල දෙන්නම එහෙමයි .
මට හිතුනා, තාත්තා මම වෙනුවෙන් කරපු කැපවීමට පොඩි හරි වටිනාකමක් ලබා දුන්න වගේ , නැත්තන් ලොකු ණයක් ගෙවල දැම්ම වගේ දෙයක්. ඒක මාරයි, මම මුලින් ලොකුවට හිතුවේ නෑ . එත් පස්සේ තමයි තේරුනේ අපි දෙන්න කරපු දේ කොච්චර වටිනවද කියල .
ඒ නිසා මගේ නංගිලා මල්ලිලා හැම කෙනාගෙන්ම ඉල්ලා සිටිනවා පුළුවන් නම් ඒ අවස්තාව අම්මට හෝ තාත්තට ලබා දෙන්න. අපේ ජීවිත වලට අපේ දෙමාපියෝ තරම් සාක්කියක් ලොවෙත් නෑ .
මම ඒ දේ කරලා දැකල තමයි මේ ඔයාලට කියන්නේ. කරන්න පුළුවන් බැරි කමක් නෑ , හරිම ලේසියි . අනික ලොකු ලොකු එවුන් පස්සේ යන්න ,උන්ගේ වෙලාවල් බුක් කර ගන්න, උන්ට වෙනම ස්පෙෂල් ටේබල් හදල තියන්න, ඔය මොකුත් ඕන නෑ . අම්මයි තාත්තයි ඕනෑ වෙලාවක ළග , ආර්ථික සහ කාලය අතිනුත් ලේසියි පහසුයි . 
---------------------------------------------------------------------------------------------
පොඩ්ඩක් හිතල බලන්නකෝ මම කියන දේ. ඔයාල මේකේ මෙහෙම හිටියට කවද හරි කොහොම හරි විවාහ වෙනවා, එදාට කරන්න උපදෙසක් අද මගෙන් 
ජය ශ්‍රී


මද්දුවා නොහොත් සීරී 

Tuesday 7 January 2014

පස්චාත් බාගයේ පශ්චාත් තාපය 18 +

--------------------------------------------------------
ලේඩීස් පස්ට් කියා ඇයිදැයි .........කියන්නේ
ලේඩීස්ලාට මුල් තැන හිමි ..............නිසානේ
අපගේ නංඟිලා එහෙමයි ..............හිතන්නේ
බෝයිස්ලා මොනවද මේ .............බලන්නේ

රවුමට - දිගට තිබෙනා මේ ඉටි ගෙඩිය
ගවුමට - වහනවා යන්තන් ගොඩ ගන්න
සරැවට - වැඩුනු වට්ටක්කා සේ පෙනෙන
මරැවට - වනනවා අත අසරන පිරිමින්ට

බල්ලෙක් - කෑමටයි නැට්ටේ .................වැනවිල්ල
බෙල්ලෙක් - වැඩුනු පසු මුතු වල ............ගැලවිල්ල
මල්ලක් - පිරෙන තුරැ ගෙඩි වල ..............ඇහිඳිල්ල
කොල්ලෙක් - ලැබෙන තුරැ ඕකෙත් ......නැලවිල්ල


මද්දුවා  නොහොත් සිරී